أكذب على نفسي اذا قلت بنساك
وأكذب عليك ان قلت لك روح ماأبيك
أزعل وعاند وأبتعد واتحداك
يجيبني شوقي وحبك وذكراك
وهمسك وضحكك والتدلع وطاريك
من كثر حبي لك ومن كثر ماابغاك
حتى وانا مجروح بالحيل اداريك
اتحمل جروحك وادور على ارضاك
وامشي على كيفك وتابع خطاويك
اضحك لضحكاتك ويبكيني بكاك
ويضيق بالي لا لمحت الحزن فيك
ماتدري ان الروح والمال يفداك
وان السعاده كلها بين ايااديك
لو شفت حالي يالغلا عقب فرقاك
ماغبت عن عاشق جنابك ومغليك
عاشق كتب قصة غرام بزواياك
وابدع بوصفه في كتابة معاليك
يسهرك ليل ان مر فالبال طرياك
ويلبسك حزن ان جت ذكرى لماضيك
تعال خل الهجر لا يضيع مبداك
وارفق بقلبن كل ليله يناجيك
قلبن شكى همك وضيمك وبلواك
وجروح تنـزف من سبايب تجافيك
ان قلت بنساك ماوالله انساك
وان قلت لك مابغاك لا والله ابغيك
